ग्रामीण भागातील जनतेचे जीवनस्तर उंचावण्यासाठी तसेच त्यांचे आरोग्य अधिक चांगले राहावे यासाठी महाराष्ट्र राज्य शासनाकडून विविध अभियान दरवर्षी राबविण्यात येतात.
त्यातील एक महत्वाचे अभियान असणारे संत गाडगेबाबा ग्रामस्वच्छता अभियान पुन्हा नव्याने आणि अधिक जोमाने राबविण्यात येणार आहे .
११ ऑक्टोबर २०२२ रोजी या अभियानाची सुरुवात पाणीपुरवठा व स्वच्छता मंत्री गुलाबराव पाटील यांनी मंत्रिमंडळातील सर्व सहकारी आणि जिल्हा परिषदेच्या मुख्य कार्यकारी अधिकारी यांना पत्र लिहून केली. तसेच हे अभियान १५ नोव्हेंबर २०२२ पर्यंत राबविण्यात येणार आहे.
सर्व लोकांनी सहभाग घेऊन हे अभियान यशस्वी करावे असे आवाहन त्यांनी केले आहे.
.png)
संत गाडगेबाबा ग्राम स्वच्छता अभियान का राबविण्यात येत आहे ?
संत गाडगेबाबा ग्राम स्वच्छता अभियानद्वारे गावांमध्ये स्वच्छतेच्या नव्या सुविधा तयार करणे , नागरिकांचे स्वच्छतेबाबतीत महत्व पटवून देणे ,तसेच गावातून सर्व नागरिक, ग्रामस्थांचा सक्रिय व सातत्यपूर्ण सहभाग घेवून, त्यांच्या वेगवेगळ्या ग्रामपंचायती, तालुके व जिल्ह्यांत स्वच्छतेच्या विविध पैलूंतील प्रगतीबाबत एक सर्वसमावेशक स्पर्धा राबवून व त्या माध्यमातून ग्रामस्थांना प्रोत्साहित करून, स्वच्छतेच्या कार्यक्रमाचा आपलेपणा व महत्त्व पटवून देण्याकरिता, राज्यात संत गाडगेबाबा ग्राम स्वच्छता अभियान राबविण्यात येत आहे.
तसेच, राज्यात केंद्र शासनाच्या स्वच्छ भारत अभियान (ग्रामीण) टप्पा-२ ही योजना सुद्धा राबविण्यात येत आहे. स्वच्छ भारत अभियान (ग्रामीण) टप्पा-२ अंतर्गत, ग्रामीण भागातील सार्वजनिक शौचालय संकुलाचे बांधकाम, घनकचरा व सांडपाणी व्यवस्थापन, गोबरधन, मैला गाळ व्यवस्थापन, प्लॅस्टिक कचरा व्यवस्थापन, अशा प्रकारे राज्यामध्ये सुरू असणारी ही सर्व कामे पुर्ण करून, राज्यास हागणदारी मुक्त म्हणून घोषित करावयाचे आहे.
संत गाडगेबाबा ग्राम स्वच्छता अभियानातून, महाराष्ट्रात स्वच्छतेचा जागर करुन, स्वछतेची कार्यवाही व पूर्तता याबाबत ठोस कृती कार्यक्रम आखून, दिनांक १५ नोव्हेंबर, २०२२ पर्यंत ही कार्यवाही करावयाची आहे.
या अभियानांतर्गत समाविष्ट स्पर्धा व विविध स्तरावर संबंधित ग्रामपंचायतींना द्यावयाचे पुरस्कार खालीलप्रमाणे आहेत:
जिल्हा परिषद गट
- प्रथम क्रमांक रू.६०,०००रु.,
जिल्हास्तर
- प्रथम क्रमांक - रू. ६ लक्ष
- द्वितीय क्रमांक -रू. ४ लक्ष
- तृतीय क्रमांक - रू. ३ लक्ष
विभागस्तर
- प्रथम क्रमांक - रू.१२ लक्ष
- द्वितीय क्रमांक - रू. ९ लक्ष
- तृतीय क्रमांक - रू. ७ लक्ष
राज्यस्तर
- प्रथम क्रमांक - रू.५० लक्ष
- द्वितीय क्रमांक - रू३५ लक्ष
- तृतीय क्रमांक - रू. ३० लक्ष
याशिवाय जिल्हा विभाग व राज्य स्तरावर प्रथम, व्दितीय व तृतीय क्रमांकावर आलेल्या ग्रामपंचायती वगळून, जिल्हा, विभाग व राज्य स्तरावर संबंधित ग्रामपंचायतींना विशेष पुरस्कार ही देण्यात येणार आहेत.
विशेष पुरस्कार पुढीलप्रमाणे आहेत.
⏩पुरस्काराचे नाव स्व. वसंतराव नाईक पुरस्कार
घनकचरा, सांडपाणी व मैला गाळ व्यवस्थापन.
- जिल्हा स्तर ५०,००० रु.
- विभागस्तर ७५,००० रु.
- राज्य स्तर ३,००,००० रु.
⏩डॉ. बाबासाहेब आंबेडकर पुरस्कार
पाणी गुणवत्ता व पाणी व्यवस्थापन
- जिल्हा स्तर - ५०,००० रु.,
- विभागस्तर - ७५,००० रु.
- राज्य स्तर - ३,००,००० रु.
⏩स्व. आबासाहेब खेडकर पुरस्कार
शौचालय व्यवस्थापन
- जिल्हा स्तर - ५०,००० रु.
- विभागस्तर - ७५,००० रु.
- राज्यस्तर - ३,००,००० रु.
याशिवाय, वेगवेगळ्या ग्रामपंचायत, ग्रामपंचायत कर्मचारी व शासकीय कर्मचारी/अधिकाऱ्यांना सुध्दा अनेक पुरस्कार या स्पर्धेत देण्यात येणार आहे.
Do not enter any spam link in comment box